dots-menu
×

Home  »  The Oxford Book of Ballads  »  95. The Bonny Earl of Murray

Arthur Quiller-Couch, ed. (1863–1944). The Oxford Book of Ballads. 1910.

95

95. The Bonny Earl of Murray

I

YE Highlands and ye Lawlands,

O where hae ye been?

They hae slain the Earl of Murray,

And hae laid him on the green.

II

Now wae be to thee, Huntley!

And whairfore did ye sae!

I bade you bring him wi’ you,

But forbade you him to slay.

III

He was a braw gallant,

And he rid at the ring;

And the bonny Earl of Murray,

O he might hae been a king!

IV

He was a braw gallant,

And he play’d at the ba’;

And the bonny Earl of Murray

Was the flower amang them a’!

V

He was a braw gallant,

And he play’d at the gluve;

And the bonny Earl of Murray,

O he was the Queen’s luve!

VI

O lang will his Lady

Look owre the Castle Downe,

Ere she see the Earl of Murray

Come sounding through the town!