Contents -BIBLIOGRAPHIC RECORD

St. John Lucas, comp. (1879–1934). The Oxford Book of French Verse. 1920.

Joachim Du Bellay 1525–†1560

79. Sonnets

vi

O QU’HEUREUX est celuy qui peult passer son aage

Entre pareils à soy! et qui sans fiction,

Sans crainte, sans envie, et sans ambition,

Regne paisiblement en son pauvre mesnage!

Le miserable soing d’acquerir d’avantage

Ne tyrannise point sa libre affection,

Et son plus grand desir, desir sans passion,

Ne s’estend plus avant que son propre heritage.

II ne s’empesche point des affaires d’autry,

Son principal espoir ne depend que de luy,

II est sa court, son roy, sa faveur, et son maistre.

II ne mange son bien en païs estranger,

II ne met pour autry sa personne en danger,

Et plus riche qu’il est ne voudroit jamais estre.