Heathcote William Garrod, comp. (1878–1960). The Oxford Book of Latin Verse. 1912.

Phaedrus fl. 1st cent. A.D.

Epilogue

ADHVC supersunt multa quae possim loqui,

et copiosa abundat rerum uarietas;

sed temperatae suaues sunt argutiae,

immodicae offendunt. quare, uir sanctissime,

Particulo, chartis nomen uicturum meis,

Latinis dum manebit pretium litteris,

si non ingenium, certe breuitatem adproba,

quae commendari tanto debet iustius,

quanto poetae sunt molesti ualidius.