Heathcote William Garrod, comp. (1878–1960). The Oxford Book of Latin Verse. 1912.

Seneca, the younger c.3 B.C.–A.D. 65

On the Death of Crispus

ABLATVS mihi Crispus est amicus,

pro quo si pretium dari liceret,

nostros diuiderem libenter annos.

nunc pars optima me mei reliquit,

Crispus, praesidium meum, uoluptas,

pectus, deliciae: nihil sine illo

laetum mens mea iam putabit esse.

consumptus male debilisque uiuam:

plus quam dimidium mei recessit.