dots-menu
×

Home  »  The Oxford Book of Latin Verse  »  Valedictory

Heathcote William Garrod, comp. (1878–1960). The Oxford Book of Latin Verse. 1912.

Ausonius c.310–c.395

Valedictory

SET damnosa nimis panditur area.

fac campum replices, Musa, papyrium.

nec iam fissipedis per calami uias

grassetur Gnidiae sulcus harundinis,

pingens aridulae subdita paginae

Cadmi filiolis atricoloribus.

aut cunctis pariter uersibus oblinat

furuam lacticolor sphongia sepiam.

parcamus uitio Dumnitonae domus,

ne sit charta mihi carior ostreis.