dots-menu
×

Home  »  The Oxford Book of Latin Verse  »  Epitaphs of the Scipios

Heathcote William Garrod, comp. (1878–1960). The Oxford Book of Latin Verse. 1912.

Anonymous 284–176 B.C.

Epitaphs of the Scipios

i

CORNELIVS Lucius Scipio Barbatus,

Gnaiuod patre prognatus fortis uir sapiensque,

quoius forma uirtutei parisuma fuit,

consol, censor, aidilis quei fuit apud nos,

Taurasia, Cisauna, Samnia cepit,

subigit omne Loucanam opsidesque abdoucsit.

ii

HONC oino ploirime consentiont Romai

duonoro optumo fuise uiro

Lucium Scipione. filios Barbati

consol, censor, aidilis hic fuet apud nos:

hic cepit Corsica Alerique urbe,

dedet Tempestatebus aide meretod.

iii

QVEI apice insigne Dialis flaminis gesistei,

mors perfecit tua ut essent omnia breuia,

honos fama uirtuspue, gloria atque ingenium.

quaibus sei in longa licuiset utier tibi uita,

facile facteis superases gloriam maiorum.

qua re lubens te in gremiu Scipio, recipt

terra, Publi, prognatum Publio, Corneli.

iv

MAGNA sapientia multasque uirtutes

aeuitate quam parua posidet hoc saxsum.

quoiei uita defecit, non honos, honore,

is hic situs, quei numquam uictus est uirtutei,

annos gnatus uiginti is Diteist mandatus,

ne quairatis honore quei minus sit mactus.