Heathcote William Garrod, comp. (1878–1960). The Oxford Book of Latin Verse. 1912.
Marcus Tullius Cicero 106 B.C.–43 B.C.Marius
H
arboris e trunco serpentis saucia morsu
subrigit, ipsa feris tranfigens unguibus, anguem,
semianimum et uaria grauiter ceruice micantem;
quem se intorquentem lanians rostroque cruentans,
iam satiata animo, iam duros ulta dolores,
abicit ecflantem et laceratum adfligit in undas,
seque obitu a solis nitidos conuertit ad ortus.
hanc ubi praepetibus pinnis lapsuque uolantem
conspexit Marius, diuini numinis augur,
faustaque signa suae laudis reditusque notauit,
partibus intonuit caeli pater ipse sinistris:
sic aquilae clarum firmauit Iuppiter omen.