Contents -BIBLIOGRAPHIC RECORD

Heathcote William Garrod, comp. (1878–1960). The Oxford Book of Latin Verse. 1912.

Gnaeus Naevius c.264–195 B.C.

Fragments of the Bellum Poenicum

NOVEM Iouis concordes filiae sorores.

Postquam auem aspexit in templo Anchisa,

sacra in mensa penatium ordine ponutur,

immolabat auream uictimam pulcram.

Amborum uxores

noctu Troiad exibant capitibus opertis,

flentes ambae, abeuntes lacrimis cum multis.

Blande et docte percontat, Aenea quo pacto

Troiam urbem liquisset.

Deinde pollens sagittis inclutus Arquitenens

sanctus Ioue prognatus Pythius Apollo.

Transit Melitam

Romanus exercitus, insulam integram urit,

populatur, uastat, rem hostium concinnat.

Sin illos deserant fortissimos uiros,

magnum stuprum populo fieri per gentis.

Seseque ei perire mauolunt ibidem

quam cum stupro redire ad suos populares.

Fato Metelli Romae fiunt consules.