dots-menu
×

Home  »  The Poems and Songs  »  13 . Song—Bonie Peggy Alison

Robert Burns (1759–1796). Poems and Songs.
The Harvard Classics. 1909–14.

13 . Song—Bonie Peggy Alison

Chor.—And I’ll kiss thee yet, yet,

And I’ll kiss thee o’er again:

And I’ll kiss thee yet, yet,

My bonie Peggy Alison.

ILK care and fear, when thou art near

I evermair defy them, O!

Young kings upon their hansel throne

Are no sae blest as I am, O!

And I’ll kiss thee yet, yet, &c.

When in my arms, wi’ a’ thy charms,

I clasp my countless treasure, O!

I seek nae mair o’ Heaven to share

Than sic a moment’s pleasure, O!

And I’ll kiss thee yet, yet, &c.

And by thy een sae bonie blue,

I swear I’m thine for ever, O!

And on thy lips I seal my vow,

And break it shall I never, O!

And I’ll kiss thee yet, yet, &c.