dots-menu
×

Home  »  The Poems and Songs  »  271 . Song—John Anderson, My Jo

Robert Burns (1759–1796). Poems and Songs.
The Harvard Classics. 1909–14.

271 . Song—John Anderson, My Jo

JOHN ANDERSON, my jo, John,

When we were first acquent;

Your locks were like the raven,

Your bonie brow was brent;

But now your brow is beld, John,

Your locks are like the snaw;

But blessings on your frosty pow,

John Anderson, my jo.

John Anderson, my jo, John,

We clamb the hill thegither;

And mony a cantie day, John,

We’ve had wi’ ane anither:

Now we maun totter down, John,

And hand in hand we’ll go,

And sleep thegither at the foot,

John Anderson, my jo.