dots-menu
×

Home  »  The Poems and Songs  »  514 . Song—The Lass o’ Ecclefechan

Robert Burns (1759–1796). Poems and Songs.
The Harvard Classics. 1909–14.

514 . Song—The Lass o’ Ecclefechan

GAT ye me, O gat ye me,

O gat ye me wi’ naething?

Rock an reel, and spinning wheel,

A mickle quarter basin:

Bye attour my Gutcher has

A heich house and a laich ane,

A’ forbye my bonie sel,

The toss o’ Ecclefechan.

O haud your tongue now, Lucky Lang,

O haud your tongue and jauner

I held the gate till you I met,

Syne I began to wander:

I tint my whistle and my sang,

I tint my peace and pleasure;

But your green graff, now Lucky Lang,

Wad airt me to my treasure.